Një ish-pjesëtar i ushtrisë jugosllave ka treguar detaje tronditëse për krimet serbe në Kosovë dhe fshehjen e tyre.
Ish-ushtari thotë se njësitet policore që kryesisht ishin të përbërë nga serb të Kosovës çdo gjë kanë bartur për në Serbi.
“Ata çdo gjë kanë bartur për në Serbi, madje edhe muret”, tregon ish-ushtari serb, për “Debat Plus” me Ermal Pandurin në RTV Dukagjini.
Ai thotë se pikërisht këta ish-policë janë fajtor për rreth 90 % të gjitha krimeve të kryera në Kosovë.
Ai thotë se paraushtarakë në Kosovë nuk ka pasur por kanë qenë Njësite të Mbrojtjes Territoriale të përbërë nga banorët lokal [serb lokal në Kosovë
Ish-ushtari kujton edhe momentin kur me sytë e tij ka parë se si zhvarroseshin kufomat.
“Në maj duke parë televizorin mësuam për një varrezë masive mes Izbicës dhe Kllodernicës. Nga komanda u urdhëruam të shkojmë dhe ta gjejmë atë vend. Kur arritëm në atë lokacion takuam një grup civilësh që nuk ishin ushtarë. Shumica ishin rom. Ishte një traktor dhemihës që i nxirrte kufomat. Kufomat i ngarkonin në një kamion të madh ushtarak. Ne kemi arritur në ditën e tretë kur edhe përfundonte zhvarrosja dhe rrafshohej në tërësi terreni. I pyetëm se çfarë po bëjnë. Na thënë që po i lëvizin kufomat drejt Mitrovicës. Nuk qëndruam më shumë se 10 minuta në atë vend”, tregon ish-ushtari jugosllav në rrëfimin e tij.
© SYRI.net
BDI nis festën në Shkup, Grubi: Fitoi UÇK-ja e Ali Ahmeti
Hovenier e quan produktiv takimin mes O’Brein dhe Kurtit ku u bisedua për Asociacionin
Rrugëtimi evropian, Bislimi: Statusi kandidat e hyrja në KiE, objektiva të Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
