Ministri i Punëve të Brendshme Agim Veliu përmes një telegrami, i ka shprehur ngushëllime familjes së policit nga Klina, Gegë Prenaj, i cili ka ndërruar jetë.
Veliu tha se ai i ka shërbyer me dinjitet dhe krenari vendit, dhe se ka dhënë një kontribut të veçantë për vite me radhë për stacionin policor në Klinë.
Më poshtë e gjeni të plotë letrën e Veliut:
Telegram ngushëllimi
E nderuara familje Prenaj,
Më lejoni të shpreh ngushëllimet e mija për më të dashurin tuaj, zyrtarin policor z. Gegë Prenaj.
Me pikëllim të thellë mora lajmin e ndarjes nga jeta e një polici të shkëlqyer, i cili ka shërbyer me dinjitet dhe krenari duke dhënë një kontribut të veçantë në Policinë e Kosovës.
Z. Gegë Prenaj, punonte prej vitesh në stacionin policor të Klinës. Ai shërbeu si një punonjës i dalluar deri në momentet e fundit të jetës së tij duke vënë rend dhe ligj.
I qoftë i lehtë dheu i Kosovës.
Me respekt,
Agim Veliu,
Ministër i Ministrisë së Punëve të Brendshme
© SYRI.net