Një laps i veshur me argjend që supozohet se i përkiste Adolf Hitlerit është shitur në ankand dhjetë herë më pak nga sa parashikohej, për vetëm 5000 paund.
Lapsi, i cili iu shit një ofertuesi në internet, nga shtëpia e ankandeve “Bloomfield Auctions”, fillimisht mendohej se do të shitej mes 50 000 dhe 80 000 paund.
Besohet se lapsi i ishte dhënë diktatorit nazist nga partnerja e tij Eva Braun, si dhuratë për ditëlindjen e tij të 52-të gjatë Luftës së Dytë Botërore, më 20 prill 1941.
Aty mund të shihet mbishkrimi ‘Eva’ dhe inicialet A.H. që përkojnë me Adolf Hitleri.
Lapsi, fillimisht u ble nga një koleksionist në një ankand në vitin 2002 dhe që atëherë ka mbetur në familjen e tij.
“Bloomfield Auctions” iu kërkua të ndalonte shitjen për arsye morale nga kryetari i Shoqatës Evropiane të Hebrenjve, Rabini Menachem Margolin.
Ai e përshkroi tregtinë e artikujve që u përkisnin nazistëve të lartë si një fyerje për miliona njerëz që humbën jetën gjatë Holokaustit.
Megjithatë, shtëpia e ankandeve theksoi se artikulli është pjesë e historisë, duke shtuar se ata që blejnë sende të tilla janë koleksionistë legjitimë që kanë pasion të shkuarën.
© SYRI.net
Horoskopi për ditën e premte, 19 prill 2024
A e dinit? Kjo është arsyeja pse skuqeni kur ndiheni në siklet
Njerëzit më inteligjentë kanë lindur në këto tre shenja të zodiakut
Denonco
Merrni lajmet më të fundit nga SYRI.net në çdo moment dhe kudo që të jeni!
