Përbërësit që ndihmojnë në reduktimin e rrudhave

08:03, 29/03/2023

Këtu janë disa përbërës të fuqishëm kundër plakjes që duhet t’i shtoni në rutinën tuaj të kujdesit ndaj lëkurës, pasi ato mund të ndihmojnë në ruajtjen e pajmes rinore të lëkurës duke reduktuar shfaqjen e rrudhave, duke rritur prodhimin e kolagjenit dhe duke përmirësuar elasticitetin e lëkurës.

Derisa plakeni, lëkura juaj pëson ndryshime të tilla si rrudhat dhe humbje elasticitet, por megjithëse plakja është e pashmangshme, kjo nuk do të thotë se nuk mund ta ngadalësoni procesin dhe industria e bukurisë është e mbushur me një mori produktesh për kujdesin e lëkurës që pretendojnë se i zhdukin shenjat e plakjes. Megjithatë, jo të gjitha janë efektive dhe disa madje mund të bëjnë më shumë dëm sesa dobi, kështu që, më poshtë i gjeni produktet që duhen përdorur për trajtimin e lëkurës ndaj rrudhave.

Retinoli: Retinoli është një formë e vitaminës A që ndihmon në reduktimin e shfaqjes së rrudhave dhe njollave të moshës. Ajo funksionon duke rritur qarkullimin e qelizave dhe duke nxitur prodhimin e kolagjenit. Megjithatë, retinoli mund të jetë irritues për disa njerëz, kështu që është më mirë të filloni me një sasi më të vogël, duke e rritur gradualisht.

Vitamina C: Vitamina C është një antioksidant i fuqishëm që ndihmon në mbrojtjen e lëkurës nga dëmtimi i radikaleve të lira. Ndihmon gjithashtu në rritjen e prodhimit të kolagjenit, ndriçimin e lëkurës dhe zvogëlimin e shfaqjes së rrudhave.

Acidi hialuronik: Acidi hialuronik është një përbërës natyral i lëkurës që ndihmon për ta mbajtur atë të hidratuar dhe të shëndoshë. Me kalimin e moshës, prodhimi i acidit hialuronik zvogëlohet, gjë që mund të çojë në lëkurë të thatë. Shtimi i acidit hialuronik në rutinën tuaj të kujdesit të lëkurës mund të ndihmojë në rivendosjen e lagështirës në lëkurë dhe përmirësimin e strukturës së saj.

Peptidet: Peptidet janë aminoacide që ndihmojnë në stimulimin e prodhimit të kolagjenit, i cili është thelbësor për ruajtjen e lëkurës me pamje rinore. Ato gjithashtu ndihmojnë në përmirësimin e elasticitetit të  lëkurës, duke reduktuar shfaqjen e rrudhave.

 

© SYRI.net

Lexo edhe:

• Del në shitje për 452 milionë dollarë pallati mbresëlënës i shekullit të 19-të në periferi të Parisit
• Burri jeton prej 10 vjetësh në botën e egër me qenin, ndërtoi shtëpinë dhe mbledh ushqimin në pyll
• Cila është mosha më e mirë për t’u martuar?