Një grua nga Koreja e Jugut më në fund kaloi testin e saj të patentës në përpjekjen e saj të 960-të, pasi shpenzoi më shumë se 12,500 euro (11,000 funte) për të marrë patentën e saj.
Cha Sa-soon, 69 vjeçare, për herë të parë testin me shkrim e provoi në prill 2005 dhe pasi dështoi për herë të parë, ajo vazhdoi të provonte, pesë ditë në javë, për tre vjet me gjithsej 780 përpjekje.
Më vonë ajo filloi të bënte testin vetëm dy herë në javë derisa më në fund e kaloi, përpara se të kalonte në testin praktik, shkruan Mirror.
Ajo e kaloi provimin e praktikës pasi u përpoq 10 herë, që do të thotë se kaloi 960 provime në total para se të merrte më në fund patentën.
Gruaja nuk u dorëzua pasi i duhej patent shoferi për biznesin e saj të shitjes së perimeve. Sipas raporteve, ajo shpenzoi pothuajse 12,500 euro (11,000 funte) për të siguruar patentën e saj të drejtimit.
Instruktori i saj i vozitjes në Auto Shkollën e Jeonbuk tha se u ndje i lehtësuar kur Cha Sa-soon më në fund mori patentën. Ai deklaroi: “Kur ajo më në fund mori patentën e saj, të gjithë dolëm duke brohoritur dhe e përqafuam, duke i dhënë lule”.
© SYRI.net
'Rregullat e arta' që e mbajnë ‘gjallë’ martesën për 30 vite
Horoskopi për ditën e premte, 19 prill 2024
A e dinit? Kjo është arsyeja pse skuqeni kur ndiheni në siklet
Denonco
Merrni lajmet më të fundit nga SYRI.net në çdo moment dhe kudo që të jeni!
