VIDEO/ Në mungesë të infermierëve, Gjermania vë robotë për kujdesin ndaj të moshuarve

12:29, 20/03/2023

Humanoidi me ngjyrë të bardhë "Garmi" nuk duket shumë ndryshe nga një robot tipik - ai qëndron mbi një platformë me rrota dhe është i pajisur me një ekran të zi, në të cilin janë ngjitur dy rrathë blu që veprojnë si sy.

Por mjeku gjerman në pension, Guenter Steinebach, 78 vjeç, tha: "Për mua, ky robot është një ëndërr".

“Garmi” jo vetëm që është në gjendje të kryejë diagnostikime për pacientët, por gjithashtu mund të sigurojë kujdes dhe trajtim për ta. Ose të paktën, ky është plani.

Garmi është një produkt i një sektori të ri të quajtur geriatronica, një disiplinë që përdor teknologji të avancuara si robotika, IT dhe teknologjia 3D për geriatrinë, gerontologjinë dhe infermierinë.

Rreth një duzinë shkencëtarësh e ndërtuan Garmin me ndihmën e mjekëve si Steinebach në Institutin e Robotikës dhe Inteligjencës së Makinerisë në Mynih.

Pjesë e Universitetit Teknik të Mynihut, instituti e bazoi njësinë e tij të specializuar në geriatronikë në Garmisch-Partenkirchen, një vendpushim skish që është vend i një prej përqindjeve më të larta të të moshuarve në Gjermani.

Vendi më i populluar i Evropës është në vetvete një nga shoqëritë në botë që plaket më shpejt.

Me rritjen e shpejtë të numrit të njerëzve që kanë nevojë për kujdes dhe me rreth 670,000 vende të kujdesit që do të mbeten të paplotësuara në Gjermani deri në vitin 2050, studiuesit po garojnë për të konceptuar robotë që mund të marrin përsipër disa nga detyrat që kryhen sot nga infermierët, kujdestarët dhe mjekët.

"Ne kemi ATM ku mund të marrim para sot. Mund të imagjinojmë që një ditë, bazuar në të njëjtin model, njerëzit mund të vijnë për të bërë ekzaminimin e tyre mjekësor në një lloj qendre teknologjike," tha Abdeldjallil Naceri, 43 vjeç, shkencëtari kryesor i laboratori.

Më pas, mjekët mund të vlerësojnë rezultatet e diagnostikimit të robotit nga një distancë, diçka që mund të jetë veçanërisht e vlefshme për njerëzit që jetojnë në komunitete të largëta.

Përndryshe, makina mund të ofrojë një shërbim më të personalizuar në shtëpi ose në një shtëpi kujdesi -- duke shërbyer vakte, duke hapur një shishe me ujë, duke thirrur për ndihmë në rast rënieje ose duke organizuar një telefonatë video me familjen dhe miqtë.

© SYRI.net

Lexo edhe:

• Çfarë janë të ashtuquajturit numrat me fat? Pse fati nuk ka asnjë lidhje me to?
• Shkencëtarët besojnë se i kanë gjetur gjurmët e kafesë 600,000 vjet më parë
• 6 shenjat më empatike të zodiakut: A jeni ju një prej tyre?