Ishulli i Shën Helenës në Atlantikun e Jugut po feston ditëlindjen e kafshës tokësore më të vjetër të gjallë në botë – një breshkë gjigante e quajtur Jonathan, i cili mbushi 190 vjet.
Shtëpia e guvernatorit të ishullit, ku Jonathan ka kaluar pjesën më të madhe të jetës së tij, po shënon rastin duke u hapur për tre ditë për vizitorët që dëshirojnë të festojnë.
Zyrtarët në ishull – një territor britanik jashtë shtetit – kanë bërë gjithashtu një seri pullash përkujtimore.
Teksa nuk ka të dhëna të vërteta për lindjen e tij, Jonathan mendohet të ketë lindur rreth vitit 1832.
Ai u soll në Shën Helena nga Seychelles më 1882, si dhuratë për Sir William Grey-Wilson – i cili më vonë u bë guvernator.
Por Jonathan në fakt mund të jetë 200-vjeç, sipas Matt Joshua, kreu i turizmit në Shën Helena.
Në Shën Helenën, Jonathani është diçka si një njeri i famshëm. Kafsha e moshuar jeton së bashku me tre breshka të tjera gjigante – David, Emma dhe Fred.
Megjithëse pleqëria e ka lënë Jonathanin të verbër dhe pa shqisën e nuhatjes, dëgjimi i tij është i shkëlqyer. Sipas Guiness World Records, ai i përgjigjet mirë zërit të veterinerit të tij, shkruan CNN, transmeton Klankosova.tv.
Pavarësisht se disa nga shqisat e tij tani dështojnë, veterineri i Jonathanit, Joe Hollins, i tha Guinness World Records se kafsha ka ende shumë energji – megjithëse kjo ndryshon me motin.
“Pavarësisht moshës së tij, Jonathan ka ende një epsh të mirë dhe shihet shpesh duke u çiftuar me Emën dhe nganjëherë Fredin – kafshët shpesh nuk e kanë problem gjininë”, shtoi ai.
© SYRI.net
'Rregullat e arta' që e mbajnë ‘gjallë’ martesën për 30 vite
Horoskopi për ditën e premte, 19 prill 2024
A e dinit? Kjo është arsyeja pse skuqeni kur ndiheni në siklet
Denonco
Merrni lajmet më të fundit nga SYRI.net në çdo moment dhe kudo që të jeni!
