Teknologjia e karikimit të shpejtë 240 W të OPPO thuhet se do të vijë së shpejti

22:10, 26/06/2022

Ju tashmë keni në treg pajisje me shpejtësi karikimi prej 150 W, por ky nuk do të jetë fundi i “luftës së karikuesve”.

Kjo pasi që tanimë ka raporte për karikimin 200 W që do të vijë te telefonat inteligjentë në muajt e ardhshëm.

Dhe tani një raport i ri sugjeron se Oppo tashmë po përgatit teknologjinë e vet të karikimit 240 W për telefonat inteligjentë.

Me këtë mbështetje, telefoni me bateri 4500 mAh pritet të karikohet plotësisht në vetëm 9 minuta.

Teknikisht, raporti nuk e emërton Oppo-n në mënyrë specifike, por përmend se një gjë e tillë pritet të vie nga një kompani kineze.

Dhe meqenëse kompania tashmë e ka demonstruar teknologjinë në fillim të këtij viti, supozohet se Oppo është marka në fjalë.

Ka shqetësime për ngarkimin kaq të shpejtë të telefonit, gjë që mund të ketë një ndikim afatgjatë në ciklin e baterisë, por shumica e ekspertëve mendojnë se teknologjia e karikimit nuk ka evoluar vetëm në lidhje me shpejtësinë, por edhe mekanizmin e saj të përgjithshëm.

© SYRI.net

Lexo edhe:

• Horoskopi për ditën e premte, 19 prill 2024
• A e dinit? Kjo është arsyeja pse skuqeni kur ndiheni në siklet
• Njerëzit më inteligjentë kanë lindur në këto tre shenja të zodiakut