Një video u bë virale dhe ngjalli shumë debat jo vetëm në Britaninë e Madhe.
Një shofere goditi një person teksa kalonte vijat e bardha. Ajo u largua nga vendi i ngjarjes, por u arrestua më vonë.
Aksidenti u regjistrua para dy vitesh në Leicester. Fatheha Begum Abedin u hutua teksa përdorte celularin dhe goditi kalimtarin, duke e plagosur rëndë.
Policia nisi një kërkim për të zbuluar shoferen, e cila nuk u ndal pasi goditi 61-vjeçarin.
Por habia e parë ishte se i plagosuri nga aksidenti ishte vjehrri i saj.
Përpara hetuesve, gruaja nxori një seri gënjeshtrash. Fillimisht tha se nuk e mbante mend që kishte bërë aksident. Më pas tha se kishte pasur një krizë në timon.
Në fund, hetimet zbuluan se ajo i dinte të gjitha. Gjykata e dënoi me 18 muaj burg, nga këto 12 muaj për pengim të drejtësisë. Asaj i është hequr patenta për 2 vjet e nëntë muaj.
Për habi, në sallën e gjyqit ishte edhe vjehrri i saj.
Komentuesit online fillimisht ngritën dyshime se aksidenti mund të kishte qenë i qëllimshëm dhe se ajo e ka goditur vetë vjehrrin pasi e ka njohur. Hetuesit nuk kanë nxjerrë një përfundim të tillë.
© SYRI.net
'Rregullat e arta' që e mbajnë ‘gjallë’ martesën për 30 vite
Horoskopi për ditën e premte, 19 prill 2024
A e dinit? Kjo është arsyeja pse skuqeni kur ndiheni në siklet
Denonco
Merrni lajmet më të fundit nga SYRI.net në çdo moment dhe kudo që të jeni!
