Një person ka mbetur i lënduar nga një aksident që ka ndodhur sot në Ferizaj, ndërmjet një autobusi dhe një veture.
Ky aksident ka ndodhur rreth orës 17:00, në rrugën “Rexhep Bislimi” të komunës së Ferizajt, ku autobusi është përplasur me veturën.
I lënduari është dërguar në emergjencë për trajtim mjekësor, ndërsa në vendin e ngjarjes kanë dalë edhe zjarrfikësit.
Rastin për media e ka konfirmuar zëdhënësi i Policisë për rajonin e Ferizajt, Agim Gashi.
‘’Po, një aksident ka ndodhur mes një autobusi dhe veture, ku një person është lënduar, më pas është dërguar në ambulancë për trajtim’’, ka thënë Gashi.
© SYRI.net