27 persona, shtetas të huaj, për të cilët dyshohet se vijnë nga Siria, Afganistani dhe Libia, kanë hyrë ilegalisht në territorin e Kosovës dhe kanë kërkuar azil, njofton policia .
"Patrulla e Stacionit Policor në Fushë Kosovë ka njoftuar Drejtorinë për Migrim dhe te Huaj, se te rrethi në Fushë Kosovë ka takuar 27 persona shtetas të huaj, që dyshohet se vijnë nga nga Siria, Afganistani, Libia të cilët kanë kërkuar azil", thuhet në përgjigjen e policisë.
Ndaj atyre, nuk po zhvillohen hetime, por personat në fjalë janë trajtuar sipas Ligjit për Azil dhe janë vendosur në Qendrën e Azilit.
Vendet e Ballkanit kanë shërbyer si korridor për shumë migrantë që kanë ikur nga zonat e luftës dhe varfëria.
Ata përdorin territorin e këtyre vendeve, për të arritur në vendet e pasura në Perëndim.
Agjencia Evropiane e Kufijve, Frontex, po vazhdon bashkëpunimin me disa vende të Ballkanit, përmes kontrolleve të përbashkëta kufitare.
BE-ja vendosi të dërgojë njësitet e saja kufitare në këto vende, pas fluksit të migrantëve në të ashtuquajturin “Korridori i Ballkanit”.
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
