‘Udhëtonte me shpejtësi të lartë’/ Policia arreston 50 vjeçarin shqiptar me 1.5 mln euro kokainë

20:21, 21/01/2021

Banues për vite me radhë në Verzuolo në Itali, një shtetas shqiptar me nënshtetësi zvicerane, u arrestua pasi u kap me 22,5 kg kokainë në makinë.

Nga informacionet, mësohet se arrestimi i shqiptarit dhe sekuestrimi i sasisë së madhe të drogës erdhi pas një kontrolli rutinë i kryer nga policia në Cuneo, si pjesë e kontrollit të territorit.

Ata ndaluan një automjet tip Land Rover, i cili udhëtonte me shpejtësi të lartë.

Në këtë rrethanë, shoferi, një burrë me moshë rreth pesëdhjetë vjeç, shfaqi menjëherë nervozizëm, për këtë arsye policët vendosën të thellojnë kontrollin si mbi personin ashtu edhe në makinë.

Vëmendja e personelit të Policisë së Shtetit u tërhoq nga dy sediljet e përparme të makinës, të ankoruara në mënyrë të pazakontë në kornizën e makinës nga dy pllaka metalike.

Policët, pasi çmontuan sediljet dhe hoqën pllakat metalike, arritën të zbulonin një hapësirë të posaçme, ku gjendeshin 23 pako kokainë me një peshë totale prej mbi 22 kilogramë dhe një vlerë e vlerësuar prej rreth një milion e gjysmë euro.

Shqiptari, i cili ka probleme të mëparshme me drogën, u arrestua dhe u shoqërua me Burgun Cuneo në dispozicion të Autoritetit Gjyqësor./ Panorama/ 

© SYRI.net

Lexo edhe:

• Aksioni i gjerë i Policisë në Prishtinë: Ky është personi që u kap me heroinë dhe marihuanë
• KEDS bën me rrjet nëntokësor sheshin e qytetit të Suharekës
• Ushtroi dhunë ndaj prindërve, dërgohet pas grilave