Përsëri dështoi seanca gjyqësore në rastin ku për korrupsion, po akuzohet zyrtari i Telekomit të Kosovës, Fatmir Gjonbalaj, i cili akuzohet se në cilësi të menaxherit të prokurimit, nuk ka zbatuar vendimin dhe urdhëresën e Organit Shqyrtues të Prokurimit.
Sipas aktakuzës ai e ka dëmtuar këtë TK-në për 55 mijë euro.
Shkak i dështimit të seancës që ishte paraparë të mbahej këtë enjte në Gjykatën Themelore në Prishtinë, u bë mungesa e përqafuesit të Prokurorit të Shtetit si dhe e mbrojtësit së të akuzuarit, avokatit Agron Selimaj.
Po ashtu, në seancë nuk ishte i pranishëm as vet i akuzuari Gjonbalajt.
Kryetarja e Trupit Gjykues për këtë rast, Nushe Kuka-Mekaj, tha se nga prokuroria ka pranuar një parashtresë në të cilën ishte arsyetuar mungesa e prokurorit për këtë seancë, për shkak të zgjedhjeve që ishin duke u mbajtur në Prokurorinë Themelore në Prishtinë për zgjedhjen e përfaqësuesit të kësaj prokurorie në Këshillin Prokurorial.
Ndërsa edhe avokati Selimaj e ka njoftuar paraprakisht gjykatën se për shkaqe shëndetësore nuk mund të marr pjesë në seancën e së enjtes.
Në mungesë të kushteve ligjore, seanca u shty për 1 dhjetor 2020, ora 10:30.
Ndryshe, është kjo seanca e tretë me radhë që dështon të mbahet për këtë rast.
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
