Sa kohë keni pa dëgjuar mburrje për virgjërinë, ose që në biseda të ndryshme ajo të “shërbehet” si kusht? Po që diskutimet për virgjërinë të kthehen në temë hetimi dhe kërkimi për policinë, keni dëgjuar?!
Një 17-vjeçare e ka denoncuar nusen e xhaxhait në komisariatin numër 4 pasi ka zbuluar se gruaja fliste me shumë mburrje duke njoftuar meshkujt në Instagram për himenin e mbesës. “Kam një mbesë të virgjër”, shkruante gruaja duke reklamuar vajzën e vëllait të bashkëshortit.
Burime për gazetën “Si” nga komisiariati 4 në Tiranë, aty ku po hetohet çështja, thanë se gruaja me inicialet D.S. nuk po kryente një shkuesi, por dyshohet se ajo po tentonte ta trafikonte atë, pasi pas njoftimit të virgjërisë ajo shton ”duhen shumë para". Denoncimi është mbajtur shënim nga oficerë të policisë së Tiranës menjëherë sapo aty mbërriti 17-vjeçarja, inicialet e të cilës gazeta Si nuk mund t'i bëjë publike për disa arsye.
“Ajo njëherë më tha që kam një djalë për ty që është në Itali. Më pyeti a don të të lidh me të? Më pas gjeta në Instagram se si u shkruante meshkujve të ndryshëm për virgjërinë time, persona që gjenden në Maqedoni, Shqipëri dhe Itali apo vende të tjera që nuk e di nga janë. Ajo ju thoshte duhen shumë lekë dhe ju përmendte shumën prej 500 euro” -dëshmon 17-vjeçarja që ka vendosur në dispozicion të policisë numrat e telefonit dhe mbi tavolinë edhe printime të materialeve të kopjuara ku e afërmja i postonte fotografi nëse ishte apo jo e interesuar të njihte ndonjë djalë. Adoleshentja dëshmon se në komunikime përveç fotografive të saj, e afërmja ka postuar edhe të dhënat e virgjërisë. Ky fakt e bëri të dyshojë se diçka po ndodhte.
17-vjeçarja tregon:
“D. më kërkoi t’i hap një adresë në Instagram, ia hapa dhe pas disa muajsh nga kurioziteti hyra në llogarinë që ia kisha hapur vetë për të parë se me kë fliste gruaja e xhaxhait. Aty pashë që dikujt i kishte nisur fotografinë time, dikujt i tregonte shkollën ku unë mësoj, dikujt i tregonte për virgjërinë”.
Po këto detaje adoleshentja nuk i ka treguar askujt deri ditën kur xhaxhesha e goditi me shpulla.
“Një ditë ajo i bërtiti gjyshes sime, unë e kam parë të puthet me një burrë në plazh, ndërkohë që pas kësaj në korrik ajo po më mbante me të mira e po më thoshte do të prezantoj me një çun të mirë”.
Burimet e gazetës “Si” thanë se adoleshentja ka sjellë me screenshot edhe bisedat nga Instagrami, pasuordin e të cilit dyshohet se gruaja e ka ndryshuar dhe në të nuk ka më akses. Në dëshminë e denoncueses radhiten edhe bisedat ku gruaja e xhaxhait i niste sipas saj numra telefoni të personave të ndryshëm, të cilët 17-vjeçarja nuk i telefononte.
Pas interesimit të gazetës “Si”, zyrtarisht u mësua se kjo çështje është ende nën hetim nga policia për lehtësim të rrethanave për trafikim të miturish, ndësa xhaxhesha ka rënë në prangat e policisë për akuzën e dhunës në familje në datën 3 tetor, pas rrahjes së fëmijëve të saj. Një usb dhe materialet e depozituara nga adoleshentja, ku shumë meshkuj josheshin dhe bënin tregti me gruan për virgjërinë e fëmijës, janë përcjellë për ekspertim
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
