Arrestohen edhe dy persona në rastin 'Karaçeva'

18:57, 23/09/2020

Policia e Kosovës ka arrestuar edhe dy persona të dyshuar lidhur me rastin “Karaçeva” për “kontrabandë me mallra”, shkruan Syri.net Kosova.

Sipas një njoftimi nga Policia e Kosovës, të mërkurën janë arrestuar edhe dy persona, të cilët të premten e shkuar, gjatë operacionit policor në Karaçevë të Kamenicës, nuk ishin gjetur në shtëpitë e tyre.

Të premten ishin arrestuar 35 persona, prej tyre 12 policë. Ndaj 30 prej tyre është caktuar masa e paraburgimit prej 30 ditësh. Ata dyshohen për “organizim të skemave piramidale” dhe “kontrabandim me mallra”.

“Të dyshuarit janë arrestuar në dyshimet se; në vazhdimësi gjatë periudhës kohore 2019-2020 janë marr me veprën penale ‘kontrabandimin i mallrave’ nga territori i Republikës së Serbisë në territorin e Republikës së Kosovës, ku për pasojë i kanë shkaktuar dëme të mëdha buxhetit të shtetit”, thuhet në njoftimin e Policisë.

Ndaj të dyshuarve është shqiptuar masa e ndalimit prej 48 orësh.

© SYRI.net

Lexo edhe:

• Aksioni i gjerë i Policisë në Prishtinë: Ky është personi që u kap me heroinë dhe marihuanë
• KEDS bën me rrjet nëntokësor sheshin e qytetit të Suharekës
• Ushtroi dhunë ndaj prindërve, dërgohet pas grilave