Konfiskohen armë, vetura e gjësende tjera

Konfiskohen armë, vetura e gjësende tjera

15:27, 22/03/2019

Policia e Kosovës, ka arrestuar 3 persona nën dyshimin e bazuar për kryerjen e veprave të ndryshme penale. Gjatë realizimit të hetimeve dhe zhvillimeve në terren, si pjesë e këtij operacioni policor janë përfshirë edhe Drejtoria Kundër Krimit të Organizuar (DKKO) dhe institucionet tjera kompetente, që merren me trajtimin e produkteve medicinale.   

Personat e arrestuar janë: B. S. viti i lindjes   1982   m/k/sh.  S. S.     viti i lindjes   1985 m/k/sh. F. H.  viti i lindjes   1963  m/k/sh. 

Pas angazhimit sistematik hetimor të zyrtarëve kompetentë, konkretisht nga Drejtoria për Hetimin e Krimeve Ekonomike dhe Korrupsionit  dhe aplikimit të teknikave të avancuara me masa të fshehta si dhe Urdhëresave nga Gjykata Themelore në Prishtinë ka rezultuar se kemi të bëjmë me një grup të organizuar i përbërë nga personat e dyshuar të përmendur më lartë të cilët janë ndaluar u janë kontrolluar veturat që ishin në pronësi të tyre, po ashtu është bërë kontrollimi i lokacioneve ku dyshohej se personat e dyshuar kanë fshehur (deponuar) barnat të cilat dyshohet se kanë qenë të kontrabanduara dhe të njëjtat janë shpërndarë nga të dyshuarit në fjalë, tek shitësit ambulant dhe në barnatore të ndryshme në tërë Kosovës. 

Gjatë operacioni janë sekuestruar gjërat si më poshtë:  pistoleta (‘Glock Austria’) 29, pistoleta (‘Sig-Sauer’) 70, fishekë te kalibrit 9mm, 303 copë, fishekë të kalibrit 7.65 mm, 417 copë, fishekë të kalibrit 6.35 mm, 5 copë, veturë e tipit ‘BMW’ 740, me targa 671-KS-969,  veturë e tipit ‘Audi’ A3, me targa 01-337-IL,  veturë e tipit ‘Opel Corsa’, me targa 01-806-LK,  DVR (regjistrues i kamerave të sigurisë), 2 copë,  barna (Tamol – XX 200 mg.) 4810 paketime, barna (Camagra Shampon) 3012 paketime, barna (të ndryshme) 3000 paketime, dorëza medicinale 5 paketime, detergjent i lëngshëm i hasur pa deklaracion – i dyshuar si i kontrabanduar (dyshohet se iu është ndryshuar afati i skadencës).

Policia e Kosovës do të ndërmarrë edhe veprime tjera hetimore, pasi që dyshohet se të dyshuarit kanë vepruar  si grup kriminalë i organizuar dhe i strukturuar, dhe se mund të ketë  edhe persona të tjerë të përfshirë në këtë rast.

Pas intervistimit të dyshuarit me urdhër të prokurorit kompetent janë dërguar në qendër të mbajtjes për 48 orë.

    © SYRI.net

    Lexo edhe:

    Komentet

    Shto koment

    Më të lexuarat
    Denonco