Një tregtari i madh shqiptar i kokainës është dënuar me 15 vite burg, pas shpalljes fajtor për furnizimin me më shumë se 40 kg drogë për përdoruesit në Britaninë e Madhe dhe konkretisht në kryeqytetin Londër.
Lodvik Guraj, 33 vjeç, banues në Greenford, Londër, përdorte më shumë se 42 telefona celularë për të drejtuar perandorinë e tij të drogës gjatë një periudhe 18-mujore.
Sipas tabloidit britanik “Daily Mail”, gjatë hetimeve, hetuesit zbuluan se Guraj e përdori biznesin e tij të paligjshëm për të shijuar një jetese luksoze, përfshirë udhëtimet në vendpushime të shtrenjta dhe blerjen e stolive me çmime të larta dhe sigurisht edhe rroba firmato.
Në gjykatën e Snaresbrook u tha se në “perandorinë” e tij ishin edhe 14 individë të tjerë, kjo e zbuluar nga provat e gjetura në telefonat celularë.
Pajisjet elektronike gjithashtu kishin dhjetëra video të Gurajt, në disa nga vendpushimet luksoze si dhe duke përdorur Lamborghini të bardhë dhe motoskafë.
Sipas MET, 14 korrierët e drogës, furnizuesit dhe shpërndarësit gjithashtu janë burgosur pasi u godit rrjeti i tij.
Hetuesi Neil Ballard, nga Komanda e Krimit pranë MET, tha: ‘Gjatë gjykimit të tij, Guraj u përpoq ta paraqiste veten si viktimë që vepronte nën detyrim, i cili ishte i përfshirë në shitjen e drogës për të paguar borxhet e mëdha”.
Nëse shoh fotot e shqiptarit sheh edhe jetën e luksit që bënte ai. Femra, makina të shtrenjta, jetë nate etj.
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
