Prokuroria dhe Policia e kanë konfirmuar se vrasjen e një 36-vjecari në Lipjan u krye në një kazino gjatë një grabitjeje, ndërsa personi i vrarë ka qenë punëtor i kazinos.
Nga konfirmimi i Policisë dihet se vrasja u krye në një lokal të Lipjanit.
Kjo është vrasja e dytë që është kryer në kazino gjatë kësaj jave.
Të dielën në mëngjes, në Suharekë u vra një punonjës i kazinos në vendin e punës derisa dy persona hyn ta grabisin kazinon.
Njëri nga grabitësit ishte polic i Kosovës
Një vrasje ka ndodhur në një kazino në Lipjan të mërkurën në mbrëmje.
Ngjarja ka ndodhur në lokale nate në qytetin e Lipjanit.
Zëdhënësi i Policisë Rajonale të Prishtinës, Agron Borovci ka dhënë detaje rreth vrasjes në Lipjan.
Ai ka thënë se rreth orës 20:00 policia ka marrë informatën se në një lokal në rrugën “Bajram Gashi” në Lipjan gjendet një person pa shenja jete.
“Me të marre informatën policia ka dale ne vendin e ngjarjes dhe nga keqyrja fillestare e vendngjarjes është konstatuar se një mashkull rreth 36 vjec , që është konfirmuar si puntori i lokalit në fjalë është pa shenja jete, dhe ka një plagë që dyshohet të jetë shkaktuar nga arma e zjarrit”.
Aktualisht po vazhdon ekzaminim i vendit të ngjarjes si dhe rasti po hetohet nga ana e policisë si vdekje e dyshimte përderisa janë duke u ndërmarre veprimet ne përpjekje për tëndriçuar dhe sqaruar plotësisht rrethanat në të cilat ka ndodhur ngjarje.
© SYRI.net