Detajet e policisë/ Shpërthimi i tritolit mbremë në Tiranë, mes një lokali e hotelit të Ervin Matës

Detajet e policisë/ Shpërthimi i tritolit mbremë në Tiranë, mes një lokali e hotelit të Ervin Matës

08:23, 31/05/2020

Policia jep detaje për shpërthimin e tritol, njgarje e ndodhur mbrëmë vonë në kryeqytet.

Policia që ka nisur tashmë hetimet për ngjarjen, thotë se tritoli ishte vendosur në një rrugicë mes një hoteli dhe një dyqani, ndërsa ka dëmtime material tek të dyja objektet. Fatmirësisht nuk raportohet për persona të lënduar.

Balkanëeb, referuar burimeve policore, raporton po ashtu se hoteli ishte në pronësi të një personazhi të njohur për botën e krimit, Ervin Matës. Biznesmeni u përfshi në vrasjen që ndodhi në lokalin Monopol në zonën e ish-Bllokut, mbrëmjen e 4 tetorit 2018.

Ervin Mata u vetëdorëzua në Polici më 2 Mars 2019 pasi prej 6 muajsh kërkohej nga autoritet për vrasjen që ndodhi në zonën e ish-Bllokut, ku pas një përplasje me armë mbeti i vrarë Fabjol Gaxha dhe u plagosën dy të tjerë, Ervis Martinaj dhe Eljon Hato.

Biznesmeni Ervin Mata ka mohuar që të ketë qëlluar me armë, apo edhe me grusht. Arratinë për gati 6 muaj, ai e argumentoi me faktin se ishte larguar pasi ishte i frikësuar.

Ndërsa lokali afër hotelit të Matës, ishte në pronësi të shtetasit Klevis Gozhita.

Tiranë/Informacion paraprak

Më datë 30.05.2020, rreth orës 22:40, në një rrugicë të ndërmjetme midis një lokali dhe një hoteli në rrugën e “Dibrës”, ka shpërthyer një sasi e dyshuar si lëndë plasese.

Si pasojë e shpërthimit nuk ka asnjë të lënduar, por vetëm dëme të vogla materiale tek të dy objektet.

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, identifikimin dhe kapjen e autorit.

 

© SYRI.net

Lexo edhe:

Komentet

Shto koment

Më të lexuarat
Denonco