Policia arrestoi sot një 51-vjeçar pasi e akuzon se i ka vënë zjarrin banesës së tij qëllimisht si dhe ka ushtruar dhunë ndaj bashkëshortes 44-vjeçare.
Ngjarja ka ndodhur dje në fshatin Rreth Libofshë të Fierit. Madje burri kishte folur dhe për mediat lokale duke thënë se kishte qenë duke larë rrobat kur kishte dëgjuar kërcitjet e kallamave të tavanit nga flakët.
Autori kërkoi edhe ndihmë nga shteti për shtëpinë pasi tha se kishte shumë dëme dhe se shtëpia është e kushtueshme ‘nuk bëhet kollaj’.
Por mesa duket pas hetimeve ka rezultuar ai përgjegjësi i zjarrvënies që e la familjen të pastrehë.
© SYRI.net