Të tjera detaje kanë dalë rreth vrasjes brutale të blogeres 68-vjeçare në Greqi.
Sipas mediave greke, e moshuara u gjet e pajetë pasditen e së premtes pranë vathës së saj në Podochori, komuna Pangaio, në perëndim të Kavallës.
Vëllai i gruas foli për protothema.gr duke thënë: “Duhet gjetur personi që e vrau”.
Ai ka theksuar se motra e tij ka marrë “goditje të shumta dhe të forta në shumë pjesë të trupit”, ndërsa mjekësia ligjore i ka bërë të ditur se ajo ndër të tjera ka pësuar çarje të shpretkës, shpime në mushkëritë dhe thyerje të brinjëve.
“Ishte një rrahje e rëndë dhe është e qartë se dikush ka vrarë motrën time. Policia po kryen hetimet për identifikimin e autorit dhe nuk duhet të paragjykojmë situatat”, thotë vëllai i viktimës, duke theksuar se 68-vjeçarja ishte një grua e qetë dhe nuk kishte probleme personale me askënd.
Kujtohet se, nga autopsia e kryer në trupin e gruas fatkeqe, për të përcaktuar shkaqet e sakta të vdekjes së saj, ka rezultuar se ajo kishte plagë të shumta të brendshme dhe policia është në kërkim të burrit që i mori jetën.
Sipas të njëjtave informacione, pas konstatimeve të ekspertizës mjeko-ligjore, autoritetet kanë nisur hetimet dhe po mbledhin deklaratat e personave që ndodhen në mjedisin familjar të viktimës.
Vihet re se deri tani hetimet e autoriteteve policore janë fokusuar te familjarët e gruas së vdekur për gjetjen e autorit.
© SYRI.net
Protagoniste JLO, publikohet traileri i filmit fantastiko-shkencor, 'Atlas'
Ish banori i Big Brother: Publiku zgjedh Julin si fitues i këtij edicioni, për pjekurinë dhe maturinë
Ja gjashtë banorët që shkojnë në nominim për të shtunën
Denonco
Merrni lajmet më të fundit nga SYRI.net në çdo moment dhe kudo që të jeni!
