Festivali i filmit dhe videoartit ‘Ekrani i artit’ në Shkodër ka hapur sipasrin me filmin ‘Klara Sola’. Themeluesi i këtij festivali Adrian Paci u shpreh se arti nuk do konsumatorë, por dialogues, ndërsa organizimi ka për synim ta njoh publikun me produksione me cilësi të lartë e shije të veçantë estetike.
Nga SYRI TV
‘Ekrani i artit’ ka çelur rrugëtimin e edicionit të 6-të mbrëmjen e së mërkurës. Dashamirësit e kinematografisë dhe artit, së bashku me përfaqësues ndërkombëtarë të ambasadave dhe organizatave të huaja në vend, morën pjesë në hapjen e festivalit, ku u shfaq filmi ‘Klara Sola’. Organizatorët e këtij edicioni, me themelues Adrian Pacin dhe Melisa Pacin mikëpritën të pranishmit, kurse Adrian Paci foli rreth rrugëtimit të festivalit të këtij viti.
Historitë e ndaluara të qytetit të Shkodrës u bënë motivi qendror i festivalit të filmit dhe videoartit, përmbajtja e të cilave sipas drejtorit artistik Edi Muka do të jetë në filma.
Sipas kuratorit Zef Paci përmbajtja dhe kahu i produksioneve filmike ka pasur ngjasimin si emërues të përbashkët, ndërsa vlerësoi prurjet nga Kosova.
Kuratorja Tea Paci e ndali fjalën te rrafshet e filmit ‘Klara Sola’, ku personazhi kryesor gruaja 40-vjeçare ka një jetë fetare të ndryshuar dhe të tërhequr nën syrin e rreptë të nënës së saj.
‘Ekrani i artit’ premton net të paharrueshme, me produksione filmike cilësore përgjatë këtyre ditëve.
© SYRI.net
Graciano: Argjira një vit më parë donte fëmijë, nuk isha gati
Surprizë për Glorian,çfarë shkruhej në helikopterin e ardhur në ‘Ferma VIP’
Albumi i Taylor Swift/ A ishte kjo këngë një diss për Kim Kardashian?
Denonco
Merrni lajmet më të fundit nga SYRI.net në çdo moment dhe kudo që të jeni!
