Mbrëmjen e së dielës, pas mesnate, persona ende të paidentifikuar kanë qëlluar me armë kundër ambienteve të Top Channel në Tiranë, pranë shtëpisë ku po zhvillohet spektakli Big Brother VIP. Nga breshëria e plumbave ka mbetur i vrarë roja i sigurisë, 60-vjeçari Pal Kola. Banorët që po qendrojnë në BBV e kanë dëgjuar breshërinë e të shtënave dhe kanë reaguar nga brenda, pa mundut të marrin asnjë informacion për çfarë po ndodh jashtë. Qetësori, Kristi dhe Nita kanë dëgjuar duke parë njeri-tjetrin me pikëpyetje.
Kristi pyeti: Çfarë ishte kjo???
Qetsori: Kallash!!!
Kristi: Thashë se ishte këtu brenda!!!
Nita: Ishte afër!
Policia e Tiranës dha këtë iInformacion paraprakisht:
Më datë 27.03.2023, rreth orës 01:00, në Mëzes, në rrethana ende të paqarta, nga persona ende të paidentifikuar, është qëlluar me armë zjarri në drejtim të ambienteve të Top Channel.
Si pasojë e të shtënave ka humbur jetën roja i sigurisë shtetasi P. K., 60 vjeç (punonjës i një shoqërie për ruajtjen fizike të objekteve).
Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
Shërbimet e Policisë kanë ngritur pikat e kontrolleve dhe vijon puna për identifikimin e kapjen e autorëve.
© SYRI.net