Eurovizioni i këtij viti në Liverpool do të ketë sloganin “United by Music” (Të Bashkuar nga Muzika), ndërsa imazhi tregon zemrat që rrahin së bashku, një slogan që pasqyron vetë origjinën e konkursit, i cili fillimisht u krijua si një eksperiment transmetimi për të bashkuar Evropën.
Festivali i këtij viti do të mbahet në Mbretërinë e Bashkuar, për shkak të pamundësisë për ta organizuar në Ukrainë, e cila fitoi në vitin 2022, për shkak të luftës.
Flamujt e të dy vendeve janë përdorur si frymëzim për skemën e ngjyrave. Një ceremoni zyrtare e dorëzimit, e organizuar nga Rylan Clark dhe AJ Odudu, do të transmetohet nga salla e St George’s në Liverpool të martën. Shumica e vendeve pjesëmarrëse do të zbulojnë gjithashtu se në cilën gjysmëfinale do të konkurrojnë.
Gjysmëfinalet do të zhvillohen në datat 9 dhe 11 maj, ku do të garojnë 31 vende, përpara finales së madhe më 13 maj. Mbretëria e Bashkuar, Franca, Spanja, Gjermania dhe Italia kualifikohen automatikisht në finale për shkak se janë financuesit kryesorë të Festivalit, ndërsa edhe Ukraina gjithashtu do të shkojë direkt në finale si fituese e vitit 2022.
Kujtojmë se Shqipëria do të përfaqësohet nga Albina dhe familja Kelmendi me këngën “Duje”, si fituese të edicionit të 61-të Festivalit të Këngës në Radio Televizionin Shqiptar.
© SYRI.net
Protagoniste JLO, publikohet traileri i filmit fantastiko-shkencor, 'Atlas'
Ish banori i Big Brother: Publiku zgjedh Julin si fitues i këtij edicioni, për pjekurinë dhe maturinë
Ja gjashtë banorët që shkojnë në nominim për të shtunën
Denonco
Merrni lajmet më të fundit nga SYRI.net në çdo moment dhe kudo që të jeni!
