Hailey Bieber ka mohuar zërat që kanë qarkulluar së fundmi se ajo është në një pritje të ëmbël.
Bashkëshortja e Justin Bieber ka zbuluar përmes llogarisë personale në Instagram se barku i saj i fryrë nuk është si pasojë e shtatzënisë, por e një problemi shëndetësor me të cilin po përballet.
Siç ka bërë të ditur, modelja ka një kist në vezore, i cili në fakt është sa një mollë.
Me një histori të publikuar, Hailey Bieber ka zbuluar problemin e saj dhe ka publikuar një foto ku shfaqet me barkun e fryrë.
“Kam një kist në vezore sa një mollë. Nuk kam as endometriozë, as vezore policistike, por më parë kam pasur kist dhe nuk ka qenë aspak e këndshme”,ka shkruar ajo në postimin e saj.
Madje, ajo ka përmendur se ky kist specifik e shqetëson shumë, pasi i shkakton të përziera, ngërçe, fryrje, ndërsa disa herë ndihet shumë e pambrojtur emocionalisht.
“Jam e sigurt që shumë prej jush e dini dhe mund të më kuptoni”, u shkruan ajo ndjekësve të saj femra.
© SYRI.net