Dua dhe Ora 'përplasen' sërish, shkak numri i personave në koncertet e tyre

Dua dhe Ora 'përplasen' sërish, shkak numri i personave në koncertet e tyre

09:05, 30/11/2022

Rita Ora dhe Dua Lipa janë dy nga emrat që kanë bërë krenarë gjithë shqiptarët.

Vajzat nga Kosova gëzojnë një sukses të jashtëzakonshëm në skenën muzikore ndērkombëtare.

 
 
 

 

Ato kanë ndihmuar mjaft shumë për lobimin sidomos të Kosovës në arenën ndërkombëtare por fatkeqësisht nuk gëzojnë raporte të mira me njëra-tjetrën.

Shpesh herë ato nuk kanë hezituar që të thumbojnë njëra-tjetrën në rrjetet sociale, ndonëse kur janë pyetur publikisht nga gazetarët nëpër konferenca, kanë folur mirë për kolegen.

Por se kanë një “armiqësi”, kjo dukshëm është parë nga postimi i tyre në rrjetet sociale ditën e së martës.

Një ditë pas koncertit të Dua Lipës në Tiranë për 28 nëntor, një faqe e fansave publikoi një postim në rrjetin social Twitter të cilin ajo e ka rishpërndarë në InstaStory, ku citohej se interpretuesja e hitit “New Rules” ka pasur mbi 200 mijë vetë prezentë në koncertin e saj.

Sipas kësaj faqe, ky ishte një rekord botëror, sipas të cilit këngëtarja shqiptare ia paska kaluar me publik edhe artistes Tina Turner, të një koncerti të saj në vitin 1988.

E nuk mungoi shumë kur edhe Rita Ora “goditi” me një postim në InstaStory – një njoftim gjithashtu të rishpërndarë nga një faqe e fansave e saj.

Nga ai postim rikujtohej koncerti i këngëtares Ora në sheshin Prishtinës më 17 shkurt 2018, kur po kremtohej festa e 10-vjetorit të Pavarësisë së Kosovës.

Sipas shifrave të kësaj faqe, në koncertin e Ritës ishin mbi 300 mijë persona, ndërsa në koncertin e sivjetmë që ajo mbajti në Tiranë më 6 shtator ishin 250 mijë.

Ky postim i artistes së hitit “Hot Right Now” është parë si një thumb i hapur ndaj Dua Lipës, për t’i treguar se koncerti i saj ka pasur një numër më të madh njerëzish dhe se Dua nuk ka thyer asnjë rekord.


 

© SYRI.net

Lexo edhe:

Komentet

Shto koment

Denonco