Momenti kur ndiqet me kallashnikov pronari i “Zone Club”, Dekorim Sahiti

Momenti kur ndiqet me kallashnikov pronari i “Zone Club”, Dekorim Sahiti

13:27, 22/09/2022

Vëllai i dizajnerit të njohur kosovar, Valdrin Sahitit, Dekorim Sahiti, disa ditë më parë është përballur me një kërcënim serioz nga një person.

Demokracia.com ka siguruar pamje të momentit kur Sahiti po ndiqej me kallashnikov nga një person deri në parkingun e ‘Hib Petrol’ në Çagllavicë.

Burimet e Gazetës Sinjali kanë bërë të ditur se gjithçka dyshohet se ka ndodhur pas një zënke në komunikacion mes Sahitit dhe të dyshuarit.

Rasti është hapur në polici dhe i dyshuari, B.G., mësohet se është nga një fshat i komunës së Prishtinës. Ai kishte nxjerrë armën automatike dhe e kishte kërcënuar Sahitin.

Njësitë policore e kanë shoqëruar në stacion policor të dyshuarin, ndaj të cilit është iniciuar rasti për dy vepra penale ‘Kanosje’ dhe ‘Mbajtje në pronësi, kontroll ose posedim të paautorizuar të armës’.

Po ashtu Policia e Kosovës në koordinim me Prokurorinë Themelore në Prishtinë dhe me urdhër të Gjykatës, kanë kryer bastisje në shtëpinë e të dyshuarit, mirëpo nuk kanë gjetur asgjë të dyshimtë.

Si pasojë e përsëritjes së veprës, i dyshuari dje është ftuar sërish për intervistim, ku me urdhër të prokurorit është dërguar në mbajtje për 48 orë.

 

 

© SYRI.net

Lexo edhe:

Komentet

Shto koment

Denonco