Familja e Ezra Blount, viktimës më të re të festivalit “Astroworld”, ka refuzuar ofertën e reperit Travis Scott për të paguar funeralin e nëntëvjeçarit.
Duke iu përgjigjur letrës së Scott që shprehte keqardhje për vdekjen e Ezras dhe një ofertë për të mbuluar shpenzimet e funeralit të djalit, avokati i familjes Blount Bob Hilliard shkroi: “Oferta e klientit tuaj është refuzuar. Nuk kam dyshim se ndjen keqardhje. Ai duhet të përballet dhe shpresojmë të shohë se ai mban një pjesë të përgjegjësisë për këtë tragjedi”.
Më 5 nëntor, në koncertin e artistit amerikan të mbajtur në Houston si pasojë e turmës së madhe, mbetën të vdekur dhjetë persona e shumë të tjerë të plagosur.
Më shumë se 50,000 njerëz ishin mbledhur në vendin e ish-parkut të Houston ‘Six Flags’.
Avokati i Travis, Daniel Petrocelli, ia dërgoi letrën Hilliardit dhe këshilltarit të tij, Ben Crump të mërkurën e kaluar (24 nëntor).
“Travis është i shkatërruar nga tragjedia që ndodhi në Festivalin Astroëorld dhe ndihet keq për familjet, të dashurit e të cilëve vdiqën ose u plagosën”, thuhej në letrën e Petrocellit.
‘Travis është i përkushtuar të bëjë pjesën e tij për të ndihmuar familjet që janë të përfshirë në këtë dhe për këtë qëllim dëshiron të paguajë për shpenzimet e funeralit për djalin e Blount”.
Avokati pretendoi se pranimi i ofertës së klientit të tij nuk do të kishte asnjë ndikim në padinë e ngritur nga babai i Ezras, Treston Blount, kundër Scott dhe të tjerëve.
Ezra ndodhej në krahët e të atit kur u rrëzua për shkak të turmës së madhe dhe në atë moment u shkel. Njoftimi për vdekjen e tij erdhi derisa po trajtohej në spital.
© SYRI.net
Protagoniste JLO, publikohet traileri i filmit fantastiko-shkencor, 'Atlas'
Ish banori i Big Brother: Publiku zgjedh Julin si fitues i këtij edicioni, për pjekurinë dhe maturinë
Ja gjashtë banorët që shkojnë në nominim për të shtunën
Denonco
Merrni lajmet më të fundit nga SYRI.net në çdo moment dhe kudo që të jeni!
