Telashe për Naomi Campbell! Paratë e mbledhura për bamirësi nuk shkuan të gjitha për këtë qëllim!

Telashe për Naomi Campbell! Paratë e mbledhura për bamirësi nuk shkuan të gjitha për këtë qëllim!

14:58, 28/11/2021

Fashion for Relief , shoqata bamirëse e krijuar nga Naomi Campbell për të ndihmuar të rinjtë “të prekur nga fatkeqësitë”, nga Ebola tek Covid-19, e deri tek varfëria, është në qendër të një hetimi nga Komisioni i Bamirësisë, autoriteti rregullator i organizatave bamirëse britanike, i cili synon të konstatojë se si janë shpenzuar fondet e mbledhura dhe si menaxhohet organizata.

 

Sipas faqes së internetit Fashion for Relief, supermodelja u inspirua të themelojë shoqatën e saj Nelson Mandela. 

Që nga viti 2005, thotë Campbell në internet, “ne kemi ndihmuar kauza të ndryshme humanitare për të ndihmuar të prekurit nga Ebola. Ne kemi ndihmuar në lehtësimin e fatkeqësive të tilla si tërmeti i Haitit, uragani Katrina, tërmeti japonez dhe cunami pasues”. 

 

“Në vitet e fundit – shton ajo – përmes bashkëpunimeve me bamirësi të tjera ne kemi ofruar ushqim dhe ndihmë mjekësore për fëmijët në nevojë në të gjithë botën, përfshirë ata të përfshirë në konfliktin në Siri”.

Mirëpo, pavarësisht se qëllimi i organizatës ishte të mblidhte para për bamirësi, fondet e mbledhura duket se s’kanë shkuar të gjitha për këtë qëllim.

 

Sipas buxheteve të paraqitura në komision, nga 1.7 milionë paund të mbledhura, vetëm 5500 shkuan për bamirësi. 

Pjesa tjetër e parave u mor për qëllime personale, duke bërë kështu që njerëzit të humbasin besimin tek kjo organizatë.

 

Por, sa herë ndodh kjo në Shqipëri dhe a e vë ndokush ujin në zjarr?

Herë pas here, organizatat bamirëse në Shqipëri janë akuzuar për vjedhje fondesh e mungesë korrektësie, por duket se kjo tashmë duket si gjë tepër normale në vendin tonë.

 

Askujt s’i bën më përshtypje fakti që fondet, ushqimet apo veshmbathjet që qytetarët dhurojnë, në fakt nuk shkojnë në adresat e duhura dhe përdoren për qëllime të tjera, duke i lënë ende në mëshirë të fatit ata që vërtetë kanë nevojë për to.

Janë marrë masa për këtë? Ende asgjë. A do të merren masa? Duket se drejtësia është në gjumë të thellë…

© SYRI.net

Lexo edhe:

Komentet

Shto koment

Denonco