Motra e Naya Rivera që ndërroi jetë tragjikisht në 8 korrik, ka deklaruar dy ditë më parë se ka filluar të jetojë me ish-bashkëshortin e aktores.
Nickayla në disa postime në Instagram, u shpreh se jeta me Ryan Dorsey bëhet vetëm për hir të nipit të saj, 5 vjeç Josey.
Ndërsa ditën e sotme, Ryan Dorsey ka postuar një video emocionale në Instagram, duke folur në lidhje me marrëdhënien e tij me motrën e Naya Rivera, pasi u fotografuan duke mbajtur duart me njëri-tjetrin.
Aktori, deklaroi se motra e ish-gruas së tij të ndjerë, u transferua me të me kërkesë të djalit të tij, Josey ‘sepse ajo tani është gjëja më e afërt që ai ka’.
“Unë zakonisht nuk lexoj komente e njerëzve sepse e di se si mund të thuhen gjërat, 50 gjëra të mira dhe pesë negative.
99% e njerëzve as nuk e njohin këtë familje. Ka njerëz që bëjnë gjykime, bëjnë supozime dhe dërgojnë mesazhe të tmerrshme që dëshirojnë vdekjen e të tjerëve.
Është vërtet e çmendur, por unë vetëm do të them disa gjëra për këtë.
Është vërtetë e trishtueshme që kjo është bota në të cilën jetojmë, ku njerëzit u rritën me iden se është në rregull të ndjesh urrejtje, veçanërisht për të bërë deklarata në lidhje me një familje që po kalon një tragjedi." /Syri.net/
© SYRI.net