Banorët e Shalës së Bajgorës ditë më parë kanë dalë në protestë para objektit të menaxhmentit të ndërmarrjes “Trepça” për të shprehur pakënaqësinë e tyre në lidhje me punësimet në këtë gjigand metalurgjik, sidomos në konkursin e fundit të para disa muajve.
Ata ankohen se u është bërë e padrejtë dhe se kjo zonë është anashkaluar gjatë pranimit të kandidatëve të rinj për punëtorë në minierën në Stan Tërg.
Por kryesuesi i Bordit të “Trepçës”, Ardian Syla po e thotë të kundërtën.
Ai përmes një shkrimi në Facebook, ka thënë se në konkursin e fundit shumica dërmuese e të pranuarëve nanë nga rajoni i Shalës
"Duke ndjekur me shqetësim të madh situatën e fundit të krijuar lidhur me protestat e banorëve të Shalës me kauzën se në konkursin e fundit është përjashtuar rajoni i Shalës, ju them me përgjegjësi të plotë se shumica dërmuese e të pranuarëve në konkursin e fundit janë nga rajoni i Shalës. Më saktësisht, mbi 80 % të të pranuarëve janë nga rajoni i Shalës, kjo për faktin se shumica e aplikantëve vijnë nga ky rajon" ka shkruar Syla
Shkrimi i plotë nga Syla:
E vërteta rreth konkursit në Ndëmarrjen Trepça!
Duke ndjekur me shqetësim të madh situatën e fundit të krijuar lidhur me protestat e banorëve të Shalës me kauzën se në konkursin e fundit është përjashtuar rajoni i Shalës, ju them me përgjegjësi të plotë se shumica dërmuese e të pranuarëve në konkursin e fundit janë nga rajoni i Shalës. Më saktësisht, mbi 80 % të të pranuarëve janë nga rajoni i Shalës, kjo për faktin se shumica e aplikantëve vijnë nga ky rajon.
Papunësia është njëri ndër problemet kryesore në Republikën e Kosovës dhe natyrisht që papunësia e madhe bënë që të ketë edhe paknaqësi të shumta. Në konkursin e fundit në Ndërmarrjen Trepça kanë aplikur më shumë së 1800 aplikantë për vetëm 230 vende pune. Prandaj, numri i madh i aplikantëve në njërën anë, kurse numri shumë i vogël i të pranuarëve në anën tjeter bën që paknaqësia të jetë e madhe.
Po bëhen dy vite që nga emërimi i Bordit Mbikëqyrës të Trepça sh.a., ku në vazhdimësi jemi përballur me kërkesat për mungesë të fuqisë së re punëtore dhe teknologjisë moderne nëntokësore. Duke parë që Trepça nuk i ka mundësitë që të bëjë zëvëndësimin e teknologjisë për shkaqë financiare, Menaxhmenti i ri i ndërmarrjes Trepça me aprovim të Bordit Mbikëqyrës ka hapur konkurs publik për të rekrutuar fuqi të re punëtore. Kjo ka qenë zgjidhja e vetme për të tejkaluar situatën e vështirë në të cilën gjindet ndërmarrja Trepça.
Ndërmarrja Trepça, njësitë biznesore Minierat me Flotacione Stantërg dhe Artanë numëron më shumë se 1230 punëtorë, ku mosha mesatare e të punësuarëve të Trepçës ështe mbi 58 vite. Mosha shumë e lartë mesatare dhe mungesa e fuqisë së re punëtore në anën tjetër rrezikon dukshëm funksionimin e mirëfillët të ndërmarrjes.
Prandaj, Bordi Mbikëqyrës inkurajon menaxhmentin që të vazhdoj me rekrutimin e fuqisë së re punëtore, veprim i cili do të shpëtonte ndërmarrjen nga gjendja aktuale e krijuar. Për më shumë, për herë të parë në ndërmarrjen Trepça janë udhëhequr procedurat e nevojshme të rekrutimit të punëtorëve të rinjë sipas legjislacionit në fuqi.
Ndërmarrja Trepça si njëri nga promotorët kryesor të zhvillimit ekonomik të rajonit të Mitrovicës nuk ka punësuar punëtorë të rinjë që nga viti 2011 duke bërë që fuqia punëtore aktuale të arrijë moshën mesatare e cila është e papërballueshme për kushtet e punës në miniera duke rezultuar në prodhim shumë të ulët.
Bordi Mbikëqyrës dhe Menaxhmenti kanë ndërmarrë veprimet e nevojshme për riorganizimin e fuqisë aktuale punëtore, riorganizim ky që solli rritje prodhimi me të cilin thyem rekorde prodhimi disa vjeçare. Fuqia e re punëtore e cila do ti bashkangjitet ndërmarrjes Trepça do të stabilizoj dukshëm ndërmarrjen në shume aspekte duke filluar nga gjendja e rëndë financiare si dhe problemin e kuadrove të nevojshme.
Për shkak të moshës së vjetër mesatare shumë të lartë, në ndërmarrjen Trepça në vazhdimësi lirohen vende të reja të punës nga pensionimi i vazhdueshëm i fuqisë punëtore.
Në Trepçë do të ketë në vazhdimësi punësime të reja si i vetmi veprim i tejkalimit të situatës momentale.
Prandaj, është e padrejtë që t’ju mohohet e drejta e punësimit të më shumë së 230 punëtorëvë të rinjë me kauza të cilat nuk janë të vërteta dhe nuk qëndrojnë.
Me Fat!
© SYRI.net
Aksionar në biznes, shtëpi, lokal, kjo është pasuria e Xhelal Sveçlës
Kosova përfiton 90 milionë euro nga Banka Botërore
Rritet çmimi i naftës menjëherë pas sulmit të Izraelit drejt Iranit
Denonco
Merrni lajmet më të fundit nga SYRI.net në çdo moment dhe kudo që të jeni!
