Kryetari i Autoritetit Kosovar të Konkurrencës Valon Prestreshi, tha se nga viti 2020, do të bëjnë përpjekje maksimale që ta themelojnë dhe zhvillojnë Divizionin e Modelimeve Ekonometrike në Autoritetin Kosovar të Konkurrencës.
Sipas tij ky divizion, do të merret me zbatimin e teorive statistikore dhe matematikore në ekonomi, me qëllim të testimit të hipotezave dhe parashikimet e tendencave të së ardhmës.
Ekonometria përdor një kombinim të teorisë ekonomike, matematikës dhe konkluzioneve statistikore për të përcaktuar dhe analizuar teoritë ekonomike, duke përdorur mjete si shpërndarjet e frekuencave, probabiliteti dhe shpërndarjet e probabilitetit, konkluzionet statistikore, analiza e thjeshtë dhe e shumëfishtë e regresionit, modelet e ekuacioneve të njëkohshme dhe metodat e serive kohore.
© SYRI.net