Prodhuesit e fidaneve të perimeve nga Kosova po marrin pjesë në një vizitë studimore në Itali për të eksploruar botën e prodhimit të fidanëve dhe prodhuesve të pajisjeve bujqësore, përcjell Syri net Kosova.
Kjo po bëhet në kuadër të projektit të PPSE, e cila ka për qëllim modernizimin e fidanishteve me teknologji të fundit.
“Gjatë vizitës në njërin nga rajonet me sektorin e bujqësisë më të zhvilluar në vend, prodhuesit e fidaneve vizituan fidanishte të ndryshme moderne, shkëmbyen dije dhe ekspertizë dhe panë nga afër teknikat inovative të përdorura në prodhimin e kulturave të ndryshme. Zhvillimi i vazhdueshëm i fidanishteve dhe modernizimi i tyre për të ofruar kualitet dhe siguri të fidaneve, është prioritet i sektorit të ushqimit të projektit #PPSE”, thuhet mes tjerash në njoftim.
Postimi i plotë:
Prodhuesit e fidaneve të perimeve nga Kosova po marrin pjesë në një vizitë studimore në Itali për të eksploruar botën e prodhimit të fidanëve dhe prodhuesve të pajisjeve bujqësore.
Gjatë vizitës në njërin nga rajonet me sektorin e bujqësisë më të zhvilluar në vend, prodhuesit e fidaneve vizituan fidanishte të ndryshme moderne, shkëmbyen dije dhe ekspertizë dhe panë nga afër teknikat inovative të përdorura në prodhimin e kulturave të ndryshme. Zhvillimi i vazhdueshëm i fidanishteve dhe modernizimi i tyre për të ofruar kualitet dhe siguri të fidaneve, është prioritet i sektorit të ushqimit të projektit #PPSE. Ky intervenim nga projekti ka qëllim të përmirësojë praktikat bujqësore dhe të promovojë bujqësinë e qëndrueshme.
Projekti PPSE po mbështetë modernizimin e fidanishteve në Kosovë përmes bashkëfinancimit në teknologji të fundit për prodhim të fidaneve dhe ofrimit të shërbimit të këshillimit për menaxhim të fidanishtes.
Kjo vizitë po i ndihmon prodhuesit e fidaneve të njihen me trendet e automatizimit të proceseve të sektorit, dhe me praktikat më të mira të menaxhimit të brendshëm të fidanishteve moderne. Projekti PPSE është projekt i Agjencisë Zvicerane për Zhvillim dhe implementohet nga #Sëisscontact dhe Instituti Riinvest.
© SYRI.net