Kamatat u rritën, por edhe numri i kredimarrësve

22:29, 15/04/2023

Veç me rritjen e kamatës, viti 2023 nisi edhe me shtimin e kredimarrësve.

Nga janari norma e interesit nga 6.3 për qind sa ishte u bë 6.5, por kjo nuk ndaloi kosovarët që të marrin kredi të reja sivjet më shumë se në vitin paraprak, raporton Klan Kosova.

Ta paktën në dy muajt e parë krahasuar me periudhën e njëjtë të 2022-ës, numri i kredimarrësve u rrit nga 28.682 sa ishte në 32.969, apo 4287 më shumë.

Trendi i ngritjes sipas një ish-guvernatori të Bankës Qendrore, nisi gradualisht. Ekonomistët, këtë e lidhin me krizën ekonomike dhe inflacionin që ngjau vitin e kaluar. E qytetarët, thonë se janë të detyruar të marrin kredi, pavarësisht kushteve jo të favorshme.

Bazuar në përqindjen e ulët të kredive të këqija – që nuk kthehen, ngritjen e kamatave ekspertët po vlerësojnë të paarsyeshme.

© SYRI.net

Lexo edhe:

• Kosova përfiton 90 milionë euro nga Banka Botërore
• Rritet çmimi i naftës menjëherë pas sulmit të Izraelit drejt Iranit
• Rajonet e varfëra do të preken më tepër, ndryshimet e klimës pritet të ulin ndjeshëm të ardhurat botërore