Kriza ekonomike botërore nuk ka ndikuar negativisht në dërgesat e diasporës në Kosovë.
Të dhënat zyrtare tregojnë se jo vetëm që nuk ka rënie, por vërehet një rritjet e lehtë gjatë vititt të kaluar, krahasuar me një viti më herët, shkruan Syri.net Kosova.
Gjatë vitit 2022, remitencat (dërgesat e diasporës) në Kosovë ishin 1.22 miliardë euro, rreth 69.5 milionë euro apo 6% më shumë se në vitin 2021.
Sipas statistikave të BQK-së, Gjemania vazhdon të mbetet shteti nga i cili pranohen më së shumti remitenca (40%). Pas Gjermanisë, renditet Zvicra.
Nga viti 2020, kur kishe filluar pandemia Covid-19, vërehet një rritje e pranimit të remitencave përmes agjencive për transfer të mjeteve dhe rënie e remitencave përmes kanaleve jo-zyrtare (sjelljes së parave kesh nga diaspora gjatë vizitave të tyre në Kosovë).
Rritja e remitencave ka ndikuar edhe në rritjen e investimeve të huaja direkte, ku dominojnë investimet në sektorin e patundshmërisë.
Diaspora mbetet një burim i fortë financiar për familjet dhe ekonominë e Kosovës.
Instituti GAP ka publikuar krahasimet e të dhënave që nga vitit 2012, kur diaspora ka dërguar në Kosovë miliarda euro.
© SYRI.net