Në një raport të publikuar së fundi të Bankës Botërore, produkti i brendshëm bruto (PBB) i Kosovës parashikohet të jetë 3.1% në vitin 2022, duke shënuar rënie në projeksionin e qershorit për rritje ekonomike prej 3.9%.
Rritja ekonomike e vendit më pas pritet të përshpejtohet në 3.7% në 2023, thuhet në raportin e saj vjeshtorë të botuar të martën. Kjo është me 0.6 pikë përqindjeje më e ulët krahasuar me parashikimin e bankës në muajin qershor.
Ngadalësimi i pritur ekonomik i vendit është rezultat i inflancionit, i cili pritet që rritja ekonomike e Kosovës të ngadalësohet në vitin 2022 pasi presionet e inflacionit kufizojnë rritjen e konsumit privat dhe zvogëlohen investimet.
Nga ana tjetër, eksportet dhe shërbimet neto, të mbështetura nga kërkesa më e lartë e diasporës, rritja e kredisë dhe transfertat publike, pritet të jenë nxitësit kryesorë të rritjes.
“Perspektiva afatmesme mbetet pozitive. Megjithatë, ajo është gjithashtu e zhytur nga rreziqet negative që lidhen me rritjen e çmimeve të ushqimit dhe energjisë dhe presionet rritëse mbi normat e interesit,” thekson Banka Botërore.
© SYRI.net