Gjermania planifikon heqjen e thëngjillit nga sistemi energjetik deri në vitin 2030

14:28, 04/10/2022

Prodhuesi më i madh i energjisë në Gjermani, RWE lajmëroi se po e sjell drejt fundit fazën e përdorimit të thëngjillit dhe është gati po ashtu të përfundojë prodhimin e energjisë në bazë linjiti deri në vitin 2030 si pjesë e marrëveshjes me qeverinë.

Sidoqoftë, në ballafaqim me krizat energjetike në Evropë, pasi Rusia ndërpreu furnizimet me gaz me agresionin e saj në Ukrainë, RWE thotë se do të aktivizojë përkohësisht përdorimin e termocentraleve me linjit ose thëngjill ngjyrë kafe, shkruan Reuters.

“Në krizën aktuale, po kontribuojmë në sigurimin e furnizimit me energji në Gjermani, duke rritur përkohësisht përdorimin e centraleve të linjitit, që na ndihmon ta heqim gazin nga gjenerimi i elektricitetit. Në të njëjtën kohë, po investojmë miliarda euro ta përshpejtojmë tranzicionin e energjisë dhe ta largojmë nga përdorimi linjitin deri në vitin 2030”, thotë përmes deklaratës, Markus Krebber, Drejtor Ekzekutiv i RWE.

© SYRI.net

Lexo edhe:

• Dogana e Kosovës shënon rekord të ri, të hyrat tejkalojnë vlerën e 500 milionë eurove
• Aksionar në biznes, shtëpi, lokal, kjo është pasuria e Xhelal Sveçlës
• Kosova përfiton 90 milionë euro nga Banka Botërore