Sindikata e Korporatës Energjetike të Kosovës (KEK) në një takim të zhvilluar me drejtorin menaxhues të kësaj ndërmarrje ka njoftuar për disa kërkesa të tyre, shkruan Syri.net Kosova.
Kryetari i kësaj sindikate Nexhat Llumnica, ka njoftuar se kanë paraqitur kërkesa për ngritje page, ngritjen e shujtës së ushqimit, marrëveshjen kolektive dhe shpërndarjen e thëngjillit falas për punëtorët.
Njoftimi i plotë i Sindikatës së KEK-ut, pa ndërhyrje:
Të nderuar anëtarë të SRKEK-ut, sot mbajtem takimin me drejtorin Menaxhues të KEK-ut ku diskutuam për keto kërkesa:
1.Ngritja e pagave
2.Ngritja e shujtes së ushqimit
3.Marrëveshja kolektive
4.Shpëndarja e thengjillit falas për punëtorët.
Ngritja e pagave mbeti të diskutohet në bordin drejtues të KEK-ut.
Ngritja e çmimit të shujtes së ushqimit, në rast se nuk mund të hapen Restaurantet mbrenda 30 dite, shujta e ushqimit të paguhet në bazë të çmimit të tregut, e jo si është tani 1.74€.
Shpërndarja e thengjillit të bëhet falas për punëtorët që përdorin për nevoja familjare.
Marrëveshja kolektive në nivel ndërmarrje mbetet të fillojë negocimi menjëherë.
Me respekt kryesia ekzekutive e SRKEK-ut,
Kryetari Nexhat Llumnica.
© SYRI.net