ZRRE thotë se mosalokimi i subvencionit qeveritar për energjinë rrezikon marrëveshjen me ENTSO-E

18:05, 04/08/2022

Zyra e Rregullatorit të Energjisë (ZRRE) ka shprehur shqetësimin se mosalokimi i subvencionit të Qeverisë për energjinë elektrike, është duke rrezikuar Marrëveshjen e Kyçjes me ENTSO-E e po ashtu edhe sigurinë e furnizimit me energji elektrike.

Këtë shqetësim ZRRE-ja e ka shprehur pas takimeve të ndara që ka zhvilluar me përfaqësuesit e Operatorit të Sistemit të Shpërndarjes (OSSH), KESCO-s dhe të KOST-it të enjten.

“Ndër të tjera, u theksua edhe rëndësia e mbylljes së obligimeve financiare të operatorëve të licencuar ndaj njëri – tjetrit, si dhe ndikimi që këto vonesa po e shkaktojnë sektor. Sipas informacioneve të marra nga të licencuarit në fjalë, mos alokimi i subvencionit të Qeverisë për energjinë elektrike, është duke e rrezikuar Marrëveshjen e Kyçjes me ENTSO-E dhe sigurinë e furnizimit me energji elektrike. Të pranishmit u zotuan të bashkëpunojnë edhe më tej me njëra-tjetrën, si dhe me institucionet tjera publike në vend, në mënyrë që të ruhet qëndrueshmëria e furnizimit me energji elektrike”, thuhet në njoftimin e ZRRE-së pas takimeve.

 

 

© SYRI.net

Lexo edhe:

• Kosova përfiton 90 milionë euro nga Banka Botërore
• Rritet çmimi i naftës menjëherë pas sulmit të Izraelit drejt Iranit
• Rajonet e varfëra do të preken më tepër, ndryshimet e klimës pritet të ulin ndjeshëm të ardhurat botërore