Çmimet e naftës ranë nën 107 dollarë në tregjet ndërkombëtare të enjten pasi frika e një recesioni tejkaloi shqetësimet për furnizimin dhe tensionet gjeopolitike në Evropë.
Në tregun e Londrës, çmimi i një fuçi ra me 89 centë krahasuar me mbylljen e mëparshme, në 106,69 dollarë. Në tregun amerikan, një fuçi u tregtua me 30 centë më të ulët, me 105.41 dollarë.
Tregtarët këtë javë u fokusuan në rritjen e normave bazë të interesit, forcimin e dollarit amerikan dhe inflacionin, duke pasur frikë nga një recesion.
Bllokada e zgjatur nga Covid 19 në importuesin më të madh në botë të naftës së papërpunuar, Kinën, kanë bërë gjithashtu presion në tregjet e naftës.
“Frika nga recesioni po bëhet më e fortë këtë mëngjes dhe ka ulur çmimet e naftës”, tha Howie Lee nga Banka Kineze e Jashtme e Singaporit, duke treguar për rritjen e fortë në Indeksin e Çmimeve të Konsumit në SHBA (CPI), sipas një raporti të publikuar të mërkurën.
© SYRI.net
Aksionar në biznes, shtëpi, lokal, kjo është pasuria e Xhelal Sveçlës
Kosova përfiton 90 milionë euro nga Banka Botërore
Rritet çmimi i naftës menjëherë pas sulmit të Izraelit drejt Iranit
Denonco
Merrni lajmet më të fundit nga SYRI.net në çdo moment dhe kudo që të jeni!
