Ashtu si shumë vende të botës edhe ekonomia më e madhe e Europës ka ndjerë efektet e luftës në Ukrainë. Dërgesat industriale gjermane ranë me 4.7% në muajin Mars, krahasuar me muajin paraprak.
Këto të dhëna vijnë nga agjencia federale e statistikave Destatis. Përmes një deklarate Ministria gjermane e Ekonomisë thekson se kjo rënie ishte një tregues i “qartë” i ndikimit të luftës në ekonomi.
“Rritja e pasigurisë reflektohet në më shumë mungesë të dërgesave, sidomos në shtetet që nuk janë në Eurozonë”, thuhet në deklaratë. Rënia më e madhe është shënuar në mallrat kapitale që përdoren nga kompanitë për prodhim, saktësisht një rënie që përllogaritet të jetë 8.3%.
Sakaq, në Turqi inflacioni ka kapur shifra rekord duke u llogaritur në muajin Prill në pothuajse 70%. Një shifër e tillë paraqet një sfidë të madhe për qeverinë e presidentit, Recep Tayyip Erdogan.
Çmimet e shumë lëndëve të para po rriten gjithashtu, edhe për shkak të luftës në Ukrainë.
Banka Qendrore turke nuk po i reziston këtij zhvillimi duke rritur normat e interesit, pavarësisht normave të larta të inflacionit.
© SYRI.net
Rajonet e varfëra do të preken më tepër, ndryshimet e klimës pritet të ulin ndjeshëm të ardhurat botërore
FMN zvogëlon parashikimin për rritjen ekonomike të Shqipërisë në 2024
Kursi zyrtar i këmbimit, 17 prill 2024
Denonco
Merrni lajmet më të fundit nga SYRI.net në çdo moment dhe kudo që të jeni!
