Miliarderi Elon Musk ka bërë një ofertë për të blerë rrjetin social Twitter, raporton DW.
Themeluesi dhe drejtori i kompanisë “Tesla” ofron 41.39 miliardë dollarë (37.92 miliardë euro) për blerjen e Twitter, ose 54.20 dollarë për aksion.
Krahasuar me çmimin e aksioneve përpara se Musk të bëhej pronar i rreth nëntë për qind të aksioneve të kompanisë më 1 prill, kjo është një rritje prej 38 për qind.
“Kam investuar në Twitter sepse besoj në potencialin e tij për të qenë një platformë për lirinë e fjalës në mbarë botën. "Unë besoj se liria e fjalës është një imperativ social për një demokraci funksionale," shkroi Musk në një letër drejtuar presidentit të Twitter, Brett Taylor.
© SYRI.net