Kryetari i Komunës së Vushtrrisë, Xhafer Tahiri ka njoftuar se gjatë vitit të kaluar, 331 biznese kanë mbyllur operimin e tyre si pasojë e COVID-19.
Tahiri ka njoftuar gjithashtu se gjatë vitit të kaluar, 60 përqind e familjeve kanë thënë se kanë pasur më pak të hyra financiare.
“Objektivi i parë është zbutja e ndikimit të pandemisë dhe rimëkëmbja ekonomike e determinuar nga aktivitete të shtrira në periudhën kohore 2020-2021, por që masat e ndërmarra në vitin 2021 do të përsëriten për pesë vitet e ardhshme”, ka thënë Xhaferi.
Tutje, i pari i Vushtrrisë ka thënë se Komuna ka përpiluar Planin për Rimëkëmbjen Ekonomike.
“Objektivi i dytë është i determinuar nga projekte dhe programe të pa afatizuara që e mundësojnë funksionimin për zhvillim të qëndrueshëm ekonomik dhe projekte, implementimi i të cilave e kalon komunën në nivelin e një komune me qëndrueshmëri ekonomike dhe të zhvilluar”, thuhet në prezantimin e publikuar.
Në Plan të Rimëkëmbjes, Tahiri ka potencuar se kanë planifikuar edhe lehtësim të qasjes në kredi për ndërmarrjet private.
“Rritja e punësimit, sipas zërave të masës. Rritja e prodhimit bujqësor vendor, për të rritur punësimin në zonat rurale. Mbështetjet e operimit dhe investimeve kapitale të ndërmarrjeve publike komunale. Mbështetja financiare për punësimin e të rinjve, përkrahjen e organizatave të shoqërisë civile, grupeve tjera jo-formale”, thuhet në pikat e planit.
© SYRI.net
Rajonet e varfëra do të preken më tepër, ndryshimet e klimës pritet të ulin ndjeshëm të ardhurat botërore
FMN zvogëlon parashikimin për rritjen ekonomike të Shqipërisë në 2024
Kursi zyrtar i këmbimit, 17 prill 2024
Denonco
Merrni lajmet më të fundit nga SYRI.net në çdo moment dhe kudo që të jeni!
