‘Në Shqipëri hyjnë euro me kamionë dhe bëhen kulla’/ Berisha drejton gishtin nga Rama

‘Në Shqipëri hyjnë euro me kamionë dhe bëhen kulla’/ Berisha drejton gishtin nga Rama

23:16, 29/09/2020

Një tjetër denoncim ka ardhur nga ish-kryeministri Sali Berisha, ku thotë se në Shqipëri hyjnë euro me kamionë për ndërtimin e kullave.

Në emisionin Tempora, lidhur me pastrimin e parave, Berisha drejton gishtin nga Rama, ndërsa thotë se asnjë kullë në Tiranë nuk kalon pa firmën e tij.

‘Në Shqipëri eurot hyjnë me kamiona, nuk është gjë ajo Toyota Yaris, ishte si kafeja. Sipas shërbimeve të ndryshme Shqipëria është vendi ku varrosen në dhe kuintalë dhe tonelata euro për tu shndërruar në kulla. Vetëm në 2016, fatura e përgjithshme e hashashit shqiptar është rreth 10-12 mld euro e cila pastaj vërshoi drejt Amerikës Latine dhe është bërë zotërues kryesor edhe në drogat e forta. 70-80% e të gjithë heroinës që vjen nga zonat e prodhimit të saj kalon në aksin Librazhd-Elbasan drejt Europës.  Në vitin 2003-2004 raportet shkruanin se 60% e heroinës, në atë kohë kokaina nuk ishte shumë familjare, kalonte nga Shqipëria. U desh një punë 2-3 vjeçare që në këto raporte të shkruhej se sasia që kalon nga Shqipëria është krejt e parëndësishme. Rruga e kalimit të heroinës në Europë tani është spostuar drejt Serbisë. E lufton çdo njeri që vendos të zbatojë ligjin, të kthejë shtetin ligjor. Kullat janë dëshmi e këtyre dhjetëra tonelatave euro që vijnë me kamion dhe groposen dhe qëndrimit korruptiv më të papërgjegjshëm të Edi Ramës. Kiminë time me lali plehun e di e gjithë Shqipëria por kullat i ka marrë vetë Edvin Kristaq Rama. Asnjë kullë nuk ndërtohet në Tiranë pa firmën e tij, pa paguar me dhjetëra milionë euro për secilën prej tyre,’ ka përfunduar Berisha.

© SYRI.net

Lexo edhe:

Komentet

Shto koment

Denonco