Pas paralajmërimit për protestë, Qeveria subvencionon prodhimin e qumështit në vlerë prej 25 për qind

Pas paralajmërimit për protestë, Qeveria subvencionon prodhimin e qumështit në vlerë prej 25 për qind

10:35, 29/09/2020

Kryeministri Avdullah Hoti pas takimit me prodhuesit e qumështit ka thënë se kanë arritur një listë dakordimesh lidhur me kërkesat e tyre.

Ai ka thënë se ky është më shumë problem sezonal dhe presin që të rregullohet.

Hoti iu ka bërë thirrje prodhuesve të mos dalin në protestë dhe të mos e hedhin qumështin.

“Problemin në këtë moment e kemi tek përpunuesit sepse janë krijuar stoqe të mëdha dhe kemi probleme te marketet. Sot pas diskutimit u dakorduam që Qeveria të merr përsipër që të subvencionojë prodhimin vendor, përfshirë edhe prodhimin e qumështit në vlerë prej 25 për qind të çmimit të qumështit që është në stok”, ka thënë ai.

Ai ka thënë se në këtë drejtim do të subvencionojnë vetëm produktet e qumështit.

Hoti ka thënë se kanë marrë obligim të kenë kontroll rigoroz për vajin e palmës dhe produktet e qumështit pluhur.

“Në tregtinë e brendshme inspektorati me AVUK do të jenë aktiv për të inspektuar tregun. Ne morëm për obligim që të punojmë me ministrinë e Financave dhe Administratën tatimore që të përgatitet baza ligjore që të njihen humbjet nëse hedhet qumështi”, ka thënë ai.

© SYRI.net

Lexo edhe:

Komentet

Shto koment

Denonco