Gastronomet të pakënaqur me vendimin e Qeverisë për ndaljen e muzikës pas orës 21:00

08:26, 27/09/2020

S’ka muzikë pas orës 21:00, gastronomët të pakënaqur me këtë vendim

Një orë më shumë punë, e një orë e gjysmë më pak muzikë, këto janë masat e reja të lehtësimit të orarit të gastronomisë dhe lëvizjes së qytetarëve nga orari i deritanishëm deri në orën 22:30.

Pavarësisht që këto biznese do të punojnë deri në 23:30, ata obligohen nga ministria e shëndetësisë që në orën 21 të ndalojnë çfarëdo lloje muzike në hapësirat e tyre.

Arsyetimi i MSH-së për vendosjen e kësaj mase është ruajtja e shëndetit publik.

Mirëpo, ky vendim nuk po iu pëlqen fare përfaqësuesve të shoqatës së gastronomisë.

“Po kuptohet që ka me ndiku, njerëzit dalin të argëtohen, në qetësi nuk e di. Në kohë pandemie po nevojitet edhe stimulimi i tregut, e jo sanksionimi”, kanë thënë nga gastronomët.

Megjithatë, ministri Zemaj ka paralajmëruar mbyllje për të gjitha lokalet e gastronomisë që nuk i respektojnë këto masa.

© SYRI.net

Lexo edhe:

• Dogana e Kosovës shënon rekord të ri, të hyrat tejkalojnë vlerën e 500 milionë eurove
• Aksionar në biznes, shtëpi, lokal, kjo është pasuria e Xhelal Sveçlës
• Kosova përfiton 90 milionë euro nga Banka Botërore