"Sot filluam komunikimin me pozitën dhe opozitën për harmonizim të qendrimeve për rimekëmbjen ekonomike. Jemi në rrugë të mbarë qe brenda pak ditësh ta kemi ligjin për rimëkembjen ekonomike", ka shkruar Rukiqi.

Rukiqi, i kontaktuar nga Syri.net Kosova, ka dhënë detaje për takimet që i ka zhvilluar.

Kryetari i OEK, ka treguar se është takuar me kryetarin e PDK-së, Kadri Veselin, por, ka pasur komunikim edhe me zyrën e kryeministrit Hoti, Ministrinë e Financave lidhur me harmonimizim e qëndrimeve.

Ne jemi në fazë të diskutimit, kemi pas takime sot gjatë ditës me pozitën e opozitën për harmonimin e programeve, shihet që ka një vullnet të harmonizohen qendrimet, e brenda pak ditësh pritet të votohet ky ligj.

Partia Demokratike e Kosovës përmes një komunikate për media,  ka kërkuar  t’i merr parasysh kërkesat e odave ekonomike dhe propozimet e PDK-së, në mënyrë që kjo të votohet brenda një dite në Kuvendin e Kosovës.

"Partia Demokratike e Kosovës, karshi përgjegjësisë së saj ndaj qytetarëve dhe bizneseve të vendit, e fton qeverinë e Kosovës që ta plotësoj Projektligjin për Rimëkëmbjen Ekonomike Covid-19; t’i merr parasysh kërkesat e odave ekonomike dhe propozimet e PDK-së, në mënyrë që kjo të votohet brenda një dite në Kuvendin e Kosovës" thuhet në komunikatë.

Lexo edhe : Biznesi kosovar detyrohet të ndërmjetësojë mes qeverisë e opozitës për zhbllokimin e Pakos së Rimëkëmbjes