Ministri Abrashi:Projektet me vendet e Ballkanit kanë si qëllim të rrisin lëvizjen e njerëzve dhe mallrave

14:33, 15/09/2020

Ministri i Infrastrukturës, Arban Abrashi pas takimit me Matej Zakonjshek, Sekretariatit të Përhershëm të Komunitetit të Transportit në Komisionin Evropian, ka thënë se kanë diskutuar për projekte e përbashkëta të vendeve të Ballkanit Perëndimor e që për synim kanë lehtësimin e lëvizjes së njerëzve dhe mallrave, raporton Syri.net Kosova 

Ministri Abrashi në një konferencë për media ka thënë se Kosova është gati për takimin e ministrave të Transportit, që do të mbahet në Bruksel, që synohet financimi i projekteve për rajoni.

“Kemi diskutuar çështje me rëndësi për vendin edhe rolin e këtij komunitetit për Ballkanin Perëndimor. Ky komunitet tani ka katër prioritetet të cilat ndërlidhen me lëvizjen e lirë të qytetarëve.

E para ka të bëjë me përmirësimin e infrastrukturës hekurudhore dhe gjithçka që ndërlidhet me transportin hekurudhor, e dyta ka të bëjmë me përmirësimin dhe ndihmën që i jep Ballkanit Perëndimor në infrastrukturën rrugore.

E treta ka të bëjë me sigurinë në rrugë dhe në trafik dhe e katërta ka të bëjë me të gjitha lehtësirat në transportit rrugor, hekurudhor në mes vendeve të Ballkanit.

Ne sot kemi diskutuar për shumë çështje që prekin edhe Kosovën edhe vendet e Ballkanit perëndimor dhe synojmë të bëjmë edhe një plan veprimi në fillim të muajt të ardhshëm i cili do t’i paraprijë takimit të ministrave të Transportit në Bruksel ku do të diskutojmë për të gjitha këto”, theksoi Abrashi.

Ndërsa, Matej Zakonjshek, drejtori i sekretarisë së përhershme të komunitetit të transportit, theksoi se kanë një plan të qartë për ta ndihmuar Ballkanin në modernizimin e transportit me qëllim zhvillimin ekonomik.

© SYRI.net

Lexo edhe:

• Aksionar në biznes, shtëpi, lokal, kjo është pasuria e Xhelal Sveçlës
• Kosova përfiton 90 milionë euro nga Banka Botërore
• Rritet çmimi i naftës menjëherë pas sulmit të Izraelit drejt Iranit