Administrata Tatimore nis 'gjuetinë' ndaj bizneseve, cak punëtorët pa kontrata

Administrata Tatimore nis 'gjuetinë' ndaj bizneseve, cak punëtorët pa kontrata

13:05, 08/04/2020

Administrata Tatimore e Kosovës ka filluar kontrolle nëpër bizneset e Prishtinës pas miratimit të  pakos emergjente nga Qeveria e Kosovës për bizneset dhe punëtorët.

Dje me propozim të Rrjetit Ballkanik të Gazetarisë Hulumtuese – BIRN dhe me vendim të Zëvendësdrejtorit të përgjithshëm të operacioneve Nijazi Asllani, Drejtoria e parë e ATK-së në Prishtinë u autorizua të fillojë kontrollin për verifikimin e kontratave të punëtoreve nëpër bizneset të cilat janë duke e ushtruar aktivitetin gjatë gjendjes emergjente të pandemisë.

Pas pranimit të detyrave, drejtori rajonal Xhemajl Hertica urdhëroi një ekip të inspektorëve që të fillojë me kontrollet.

 

Gjatë ditës u kontrolluan 3 biznese të ndryshme, dy prej të cilave i kishin të gjithë punëtoret e deklaruar.

Pas përfundimit të kontrollit në njërin nga bizneset e kontrolluara numri i punëtoreve të deklaruar ishte i dyshimtë dhe në lidhje me dyshimet biznesi është urdhëruar që të dërgojë listën e plotë të punëtoreve me anë të email-it.

Këto nuk janë operacionet e vetme të cilat i ka ndërmarrë Administrata Tatimore e Kosovës gjatë gjendjes emergjente.

Javë më parë ATK mori vendim që të caktojë ekipe kujdestarie me orar të zgjatur të punës me qëllim që ti trajtojë të gjitha informacionet e qytetarëve për ngritjen e çmimeve nga ana e bizneseve në kohën e pandemisë.

 

Vetëm gjatë dy jave të fundit Administrata Tatimore e Kosovës ka pranuar rreth 4,000 thirrje telefonike për ngritjen e çmimeve.
Pas këtyre raportimeve 246 biznese janë rekomanduar për t’u ndëshkuar pasi ATK ka konstatuar se kishin ngritur çmimet gjatë fazës emergjente.

© SYRI.net

Lexo edhe:

Komentet

Shto koment

Denonco