Gjermania të mërkurën e shënoi shifrën më të lartë të të vdekurve nga Covid-19 që nga mesi i shkurtit të këtij viti në kohën kur spitalet paralajmëruan se shteti mund të ketë 6.000 pacientë në repartet e kujdesit intensiv deri në Kërshëndella, më shumë se në kulmin e vitit të kaluar.
Instituti “Robert Koch” raportoi 67.186 infeksione të reja dhe 446 të vdekur – shifra më e lartë ditore e viktimave që nga 18 shkurti. Numri i përgjithshëm i të vdekurve nga pandemia në Gjermani shkoi në 101.790.
Megjithatë, shkalla mesatare e infeksioneve ra për të dytën ditë radhazi nga 452.2 për 100.000 banorë të martën në 442.9 të mërkurën, shkruan Reuters.
Qeveria federale dhe qeveritë rajonale të Gjermanisë të martën u pajtuan për të marrë masa kundër valës së katërt të koronavirusit, përfshirë zgjerimin e fushatës së vaksinimit dhe kufizimin e kontakteve, sidomos për personat e pavaksinuar.
Ndryshe, katër persona në Gjermaninë jugore kanë dalë pozitiv për variantin Omicron të koronavirusit, ndonëse ishin plotësisht të vaksinuar, tha zyra e shëndetit publik e rajonit Baden-Wuerremberg.
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
